Pen

МАКЕДОНСКИОТ ПЕН ГИ ПОДДРЖУВА НОВИНАРИТЕ

Управниот одбор на Македонскиот ПЕН центар ги поддржува и се придружува кон протестите и барањето на Здружението на новинарите на Македонија за утврдување на конкретната одговорност за инцидентот и исфрлувањето на новинарите од Собранието на Република Македонија, со што е извршена груб атак врз слободата на изразувањето.

Застанувајќи во одбрана на слободниот збор, Македонскиот ПЕН потсетува дека со овој чин и е нанесена дополнителна меѓународна компромитација на Македонија кога е во прашање медиумската слобода, област во која и досега не стоеше добро во оценките на релевентните меѓународни институции.

Поради тоа, санкционирањето на извршителите и нивните наредбодавачи е минимумот кој го заслужуваат новинарите во Македонија, а и што власта во државата може и мора да го направи за никогаш да не се повтори тоа што се случи и да се гарантира медиумската слобода и слободата на изразувањето воопшто.

ОДБЕЛЕЖАН ЗЛАТНИОТ ЈУБИЛЕЈ НА МАКЕДОНСКИОТ ПЕН

На 20 декември во Скопје свечено беше одбележан златниот јубилеј на Македонскиот ПЕН - 50-годишнината од неговото формирање.

По повод јубилејот, претседателот на Република Македонија Ѓорѓе Иванов, на приемот во неговата резиденција му ја врачи Повелбата на Република Македонија за афирмацијата на македонската книжевност и култура во светот, што во текот на своето петдецениско постоење ја оствари Македонскиот ПЕН. Врачувајќи му ја Повелбата на актуелниот претседател на Македонскиот ПЕН И сто Лазаров, претседателот Иванов посебно подвлече дека токму Меѓународниот ПЕН центар беше првата меѓународна асоцијација воопшто која на својот конгрес одржан 1992 година усвои посебна Резолуција со која се признава правото на македонскиот народ на сопствено име, јазик и култура.

- За жал и по две децении од оваа Декларации и по векови и децении творештво на македонски јазик, по безброј преводи, книги и списанија се уште се наоѓаат негатори на македонскиот јазик и на сето она што е создадено на македонски јазик. Негацијата на еден јазик е негација и на неговите говорители, на творците кои создаваат на тој јазик. Тоа е негација на основните вредности на човечката цивилизација, рече Иванов по повод доделувањето на ова признание.

Претседателот на Македонскиот ПЕН-центар Ристо Лазаров се заблагодари на слухот што го покажа македонската држава за влогот што го даде Македонскиот ПЕН-центар сите овие 50 години во афирмацијата на македонскиот збор и литература.

- Признанието им припаѓа на сите генерации на Македонскиот ПЕН од неговото формирање до новопримените членови од пред само еден месец, рече Лазаров.

Вечерта се одржа и свечено собрание на Македонскиот ПЕН на кое куси обраќаања за јубилејот имаа претседателот Ристо Лазаров и Благоја Иванов, прв секретар на Македонскиот ПЕН. На собранието им беа доделени благодарници на досегашните претседатели на Македонскиот ПЕН: Томе Момировски (постхумно), Мето Јовановски, Георги Старделов, Матеја Матевски, Влада Урошевиќ, Катица Ќулавкова и Димитар Башевски. По собранието се одржа и клупска вечер на Македонскиот ПЕН.

Il n'y a pas de traductions disponibles

СРЕДБА НА ПОЕТИ ОД МАКЕДОНСКИОТ АЛБАНСКИОТ ПЕН ВО СТРУГА

Остварувајќи ја годишната програма, со која ја одбележува својата 50-годишнина, Македонскиот ПЕН центар на 23 и 24 ноември, во Струга им беше домаќин на група поети од Албанија. Во петок навечер во Струга се одржа заеднички камерен настап на Ентела Каси, претседателка на Албанскиот ПЕН, како и Садик Бејко, кој пред неколку години го доби книжевното жезло на ДПМ и Ндуе Ѓика.

Од Македонскиот ПЕН на средбата учествуваа на поетите Ристо Лазаров,претседател на Македонскиот ПЕН, Биба Исмаил, Владимир Мартиновски и Ресул Шабани. струга

Во рамките на дводневната средба се одржаа и разговори за унапредување и збогатување на меѓусебната соработка, во контекст на зајакнување на Балканската мрежа на ПЕН центрите, инаугурирана на минатогодишниот конгрес на Меѓународниот ПЕН.

Il n'y a pas de traductions disponibles

НОВИ ЧЛЕНОВИ НА МАКЕДОНСКИОТ ПЕН ЦЕНТАР

Македонскиот ПЕН центар има четворица нови членови: поетот и професор д-р Владимир Мартиновски, книжевната теоретичарка Наташа Аврамовска и поетесите Линдита Ахмети и Биба Исмаил. Одлуката за ова ја донесе Управниот одбор на Македонскиот ПЕН на својата последна седница. На седницата е донесена и одлука централното одбележување на 50-годишниот јубилеј на Македонскиот ПЕН да се одржи во декември во Скопје, а на јубилејот да му биде посветена и традиционалната регионална средба, кон крајот на мај в година. Во меѓувреме се планирани и неколку литературни настапи низ Македонија и учество на неколку средби во регионот. Управниот одбор беше запознат и со учеството на нашата делегација на 78-от конгрес на Меѓународниот ПЕН што неодамна се одржа во Јужна Кореја.

Il n'y a pas de traductions disponibles

МАКЕДОНСКИОТ ПЕН СО СВОИ ПРЕТСТАВНИЦИ НА 78 КОНГРЕС НА МЕЃУНАРОДНИОТ ПЕН ВО ЈУЖНА КОРЕЈА

koongres

Канадскиот писател Џон Ралстон Соул и во наредните три години ќе биде на чело на Меѓународниот ПЕН центар - одлучија делегатите на 78 светски конгрес на ПЕН што се одржа од 9 до 15 септември 2012 во јужнокореанскиот културен центар Џонџиу. За нов потпретседател на Меѓународниот ПЕН беше избрана Вида Огњеновиќ од Србија, а беа избрани и двајца нови членови на Управниот одбор.

На конгресот учествуваа околу 300 делегати од над 80 земји во светот, меѓу кои и Ристо Лазаров, претседател на Македонскиот ПЕН центар и Катица Ќулавкова потпретседател на Меѓународниот ПЕН. Почесни гости на конгресот беа нобеловците Вол Сојинка и Жан Мари Густав ле Клезио, а иако беше најавен, отсуствуваше турскиот нобеловец Орхан Памук.

За прв пат во својата историја, Меѓународниот ПЕН на својот конгрес донесе резолуција за слободата на мислењето и дигиталната технологија. Меѓународниот ПЕН и националните ПЕН центри ги повикаа владите, компаниите и поединците да ја укинат цензурата, ограничувањата и контролата на дигиталните медиуми и да ги почитуваат човековите права вклучувајќи го и правото на слободно изразување на мислењето. Беа донесени и повеќе други резолуции во врска со загрозувањето на слободата на мислењето во некои земји, како и против воените конфликти во светот.

Следниот конгрес на Светскиот ПЕН ќе се одржи догодина во Рејкјавик, главниот град на Исланд.

Plus d'articles...

Средба на поети од Македонскиот и Бугарскиот ПЕН во Струмица

<< Début < Précédent 1 2 Suivant > Fin >>